اللهم أنقذنا من عين الزملاء أصحاب الجروبات .. وغباء الأصدقاء ومفاجأة الأعداء
اللهم ارحمنا من استبياع الجيل الجديد.. وحرائق السكة الحديد
واستقصاد كل مدير.. ونداله القرايب الصغير منهم والكبير
اللهم أغثنا من كل عميل.. ومن فواتير موبينيل
اللهم أرحمنا من تشريفه عربيات المسئولين، وزحمة الشوارع في
كل حين
وسحب الرخص في كل كمين.. من الغلبان مش م المتين
اللهم اهدى لنا سواقين الميكروباص
ومديرى الشركة البصباص
اللهم ارحمنا من الشئون القانونية وشئون العاملين
واللي بيقفوا فـ وسط الشارع فجأة وبدون إشارة يمين
اللهم قنا شر الكليبات..
وشر غمزات البنات.. ولؤم الستات وغباوة الحموات
وهيافة الصحف والمجلات وأونر الجروبات
وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألافات
والمنتديات اللى محتاجة زوار
ووقوع السيرفر وقفلة السايتات
اللهم ارفع مستوى الفريق القومي..
لمستوى إنبي والحدود.. أو حتى مستوى أسمنت أسيوط
أو أرسل يارب عليه صاعقة.. بدل ما يخلونا نموت..
اللهم اجعل الا عب ابو تريكا مديرًا للمنتخب
والمشرف وائل منصور.. مدربًا عامًا..
رئيسًا لاتحاد الكرة المصرية
حتى يعالجوه.. من الهبل والعبط.. يارب العالمين
اللهم سدد أقساطنا.. وضلل عنا مآمور الضرايب
اللهم ارزق جيل الوسط عقود عمل في ليبيا وقطر
اللهم افتح لجيلنا القديم الطريق الفسيح
حتى ننظف الملابس بالمناديل
الثلاثاء يناير 15, 2008 6:38 pm
